Ispaniyaning “Barselona” klubida hujumkor yarim himoyachi sifatida to‘p tepayotgan Pablo Torre Xans-Diter Flikning jamoadagi o‘yin vaqtini taqsimlashidan noroziligini bildirdi.
"Bu murabbiyning qarorlari. Men ularni hurmat qilaman, lekin ko‘pincha men ularni tushunmayman. Ha, jarohatlar yo‘qligi tufayli unga tanlash qiyin bo‘ldi, raqobat juda yuqori edi. Lekin baribir men bundan ko‘proq narsaga loyiqman deb o‘ylayman. Bu haqda murabbiyga suhbatlarimizdan birida aytdim. Maydonga chiqqanimda yaxshi o‘ynadim", - dedi Torre.
Torre 22 yoshda. Butun mavsum davomida u barcha musobaqalarda 14 ta uchrashuvda qatnashib, 4 ta gol urdi va 3 ta golli uzatmani amalga oshirdi.
