Kataloniyaning "Barselona" klubi "Espanyol" darvozaboni Joan Garsiyani ijaraga olmaydi. Jurnalist Fabrisio Romanoning yozishicha, Xans-Diter Flik jamoasi 25 million yevro tovon puli to‘lab, kelishuvni doimiy ravishda amalga oshirmoqchi.
Manbaning yozishicha, "Barselona" Garsiyani asosiy darvozabon va jamoaning asosiy o‘yinchilaridan biriga aylantirishni rejalashtirmoqda. Kataloniyaliklarning ikkinchi darvozaboni Mark-Andre ter Shtegen emas, Voysex Shesni bo‘ladi.
Eslatib o‘tamiz, avvalroq "Barselona" moliyaviy muammolarni hal qilish uchun Martinesni ijaraga olmoqchi ekani haqida mish-mishlar tarqalgan edi.
