Ispaniya terma jamoasi bosh murabbiyi Luis de la Fuente Millatlar ligasi finalidan o‘rin olgan Portugaliyaga qarshi o‘yindan nimalar kutayotgani haqida gapirdi.
"Finalda ikkita super kuchli jamoani ko‘ramiz. Ularning murabbiyi bilan munosabatlarimiz juda yaxshi. Biz do‘stlarimiz bilan o‘ynaymiz, Ronaldu esa - eng buyuklaridan biri. Men unga qoyil qolaman. Uning yoshidagi futbolchi o‘ynashda davom etayotganini ko‘rish yoqimli.
Bu juda qiyin raqib va bu o‘yin jahon chempionati finali bo‘lishi mumkin. Yakshanba kuni biz yana tarixga kirishimiz mumkin," - deya de la Fuentening so‘zlarini keltiradi UYEFA rasmiy sayti.
