Испания терма жамоаси бош мураббийи Луис де ла Фуэнте Миллатлар лигаси финалидан ўрин олган Португалияга қарши ўйиндан нималар кутаётгани ҳақида гапирди.
"Финалда иккита супер кучли жамоани кўрамиз. Уларнинг мураббийи билан муносабатларимиз жуда яхши. Биз дўстларимиз билан ўйнаймиз, Роналду эса - энг буюкларидан бири. Мен унга қойил қоламан. Унинг ёшидаги футболчи ўйнашда давом этаётганини кўриш ёқимли.
Бу жуда қийин рақиб ва бу ўйин жаҳон чемпионати финали бўлиши мумкин. Якшанба куни биз яна тарихга киришимиз мумкин," - дея де ла Фуэнтенинг сўзларини келтиради УЕФА расмий сайти.
