«Real»ning ikki himoyachisi Dani Karvaxal va Eder Militao klublar o‘rtasidagi jahon chempionatida jamoasiga yordam bera olmaydi. Bu haqda insayder Xorxe Pikon xabar berdi.
Manbaga ko‘ra, har ikki futbolchi jamoa bilan AQSHga yo‘l oladi, ammo jarohatidan to‘liq forig‘ bo‘lmagani uchun maydonga tushmaydi. Klub esa Karvaxal va Militaoni mavsum boshlanmasidanoq maydonga tushirib, tavakkal qilmqochi emas.
Madridliklar jarohatlarni inobatga olgan holda yozgi transferlar oynasida Trent Aleksandr Arnold va Din Heysen bilan shartnoma imzoladi.
Ma’ulmot uchun, «Real» turnirdagi ilk o‘yinini 18 iyun kuni «Al Hilol»ga qarshi o‘tkazadi.
