Londonning "Chelsi" klubi tarkibini Italiya A Seriyasining top darvozaboni bilan kuchaytirishga yaqin turibdi. Jurnalist Daniel Longoning ma’lum qilishicha, "ko‘klar" allaqachon "Milan" posboni Mayk Menyan bilan uzoq muddatli shartnoma borasida kelishib olgan.
Shuningdek, manbaning yozishicha, "Chelsi" "Milan" bilan tovon puli miqdorini kelishib olishga yaqin turibdi. Avvalroq, "ko‘klar" bir yildan so‘ng shartnomasi yakunlanadigan 29 yoshli darvozabon uchun 15 million yevro taklif qilgani ma’lum bo‘lgandi.
Qayd etilishicha, "Chelsi" Menyanni bir necha kundan keyin boshlanadigan klublar o‘rtasidagi jahon chempionati oldidan o‘z safiga qo‘shib olmoqchi. Maykning o‘zi transferga qarshi emas, chunki u Chempionlar Ligasida o‘ynashni istaydi.
