Лондоннинг "Челси" клуби таркибини Италия А Сериясининг топ дарвозабони билан кучайтиришга яқин турибди. Журналист Даниэл Лонгонинг маълум қилишича, "кўклар" аллақачон "Милан" посбони Майк Меньян билан узоқ муддатли шартнома борасида келишиб олган.

Шунингдек, манбанинг ёзишича, "Челси" "Милан" билан товон пули миқдорини келишиб олишга яқин турибди. Аввалроқ, "кўклар" бир йилдан сўнг шартномаси якунланадиган 29 ёшли дарвозабон учун 15 миллион евро таклиф қилгани маълум бўлганди.

Қайд этилишича, "Челси" Меньянни бир неча кундан кейин бошланадиган клублар ўртасидаги жаҳон чемпионати олдидан ўз сафига қўшиб олмоқчи. Майкнинг ўзи трансферга қарши эмас, чунки у Чемпионлар Лигасида ўйнашни истайди.