Hujumkor yarim himoyachi Sadio Mane "An-Nasr"ni tark etadi. The Mirror nashri xabariga ko‘ra, Saudiya klubi yozgi transferlar vaqtida senegallik vinger bilan xayrlashishga qaror qilgan.

Manbaning ta’kidlashicha, Manening o‘rniga "An-Nasr" rahbariyati "Manchester Yunayted" vingeri Alexandro Garnachoni taklif qilmoqchi.

Sadio 2023 yilning yozida Saudiya Arabistoni jamoasi safiga qo‘shilgandi. O‘tgan mavsumda 33 yoshli senegallik 47 ta o‘yin o‘tkazib, o‘z hisobiga 18 ta gol va 14 ta golli uzatmani yozdirib qo‘ydi.

Sadioning "An-Nasr" bilan mehnat shartnomasi 2026 yil iyun oyi oxirigacha mo‘ljallangan.