“Manchester Siti”ning portugaliyalik yarim himoyachisi Bernardu Silva faoliyatini Saudiya Arabistoni chempionatida davom ettirishi mumkin. Footmercato xabariga ko‘ra, 30 yoshli yarim himoyachini "Al-Hilol" o‘z safiga qo‘shib olmoqchi.

Saudiya klubi so‘nggi bir necha oy davomida Bernarduni faol kuzatib bormoqda. O‘z navbatida "shaharliklar" jamoani yoshartirish vektorini o‘z zimmasiga olgan holda yarim himoyachini qo‘yib yuborishlari mumkin.

Silva 2017 yilning yozida Manchesterga ko‘chib o‘tgandi. Uning klub bilan shartnomasi keyingi mavsum oxirigacha amal qiladi.