Fransiya terma jamoasi Millatlar ligasida uchinchi o‘rinni egalladi.
Didye Desham shogirdlari uchinchi o‘rin uchun o‘yinda Germaniyani (2:0) mag‘lub etdi.
“Uch ranglilar”ning o‘yin natijalarini Fransiya terma jamoasi sardori, hujumchi Kilian Mbappe sarhisob qildi.
"Biz imkoniyatlar yaratish va raqiblar uchun vaziyatni qiyinlashtirish qobiliyatini tiklay oldik. Ikki o‘yinda oltita gol urdik.
Ammo o‘yinimizda ba’zi kamchiliklar bor edi. Bu ustida ishlashimiz kerak. Bunday raqiblarga qarshi o‘ynash yaxshi bo‘ldi, chunki agar saralashdan o‘tsak, ular bilan jahon chempionatida uchrashishimiz mumkin", - deya Mbappening so‘zlarini keltiradi RMC Sport.
