Germaniya terma jamoasi va "Bayer" hujumkor yarim himoyachisi Florian Virts hamon "Liverpul"ning transfer maqsadi bo‘lib turibdi. Bu haqda Mail xabar bermoqda.

Manbaning xabariga ko‘ra, mersisaydliklar 22 yoshli vingerning transferi bo‘yicha o‘z taklifini 140 million yevroga ko‘targan. Bungacha "qizillar" 134 million to‘lashga tayyor edi, biroq nemis tomoni bu taklifga rad javobini berdi.

Florian o‘tgan mavsumda leverkuzenliklarning 45 ta o‘yinida ishtirok etdi. Yulduzli yarim himoyachi 16 ta gol va 15 ta golli uzatmani o‘z hisobiga yozdirib qo‘ydi.