Германия терма жамоаси ва "Байер" ҳужумкор ярим ҳимоячиси Флориан Виртц ҳамон "Ливерпуль"нинг трансфер мақсади бўлиб турибди. Бу ҳақда Mail хабар бермоқда.
Манбанинг хабарига кўра, мерсисайдликлар 22 ёшли вингернинг трансфери бўйича ўз таклифини 140 миллион еврога кўтарган. Бунгача "қизиллар" 134 миллион тўлашга тайёр эди, бироқ немис томони бу таклифга рад жавобини берди.
Флориан ўтган мавсумда леверкузенликларнинг 45 та ўйинида иштирок этди. Юлдузли ярим ҳимоячи 16 та гол ва 15 та голли узатмани ўз ҳисобига ёздириб қўйди.













