Ravshan Haydarov bosh murabbiyligidagi O‘zbekiston olimpiya jamoasi o‘rtoqlik o‘yini doirasida Qirg‘iziston olimpiyachilari bilan kuch sinashdi.
Unda o‘zbekistonlik futbolchilar 3:1 hisobidagi ishonchli g‘alabani qo‘lga kiritdi. Bellashuvda Samandar Mavlonqulov dubl qayd etgan bo‘lsa, yana bir gol Oybek O‘rmonjonov nomiga qayd etildi. Qirg‘izistonliklarning yagona goliga esa Erbol Abduzahaparov mualliflik qildi.
Avvalroq O‘zbekiston olimpiya jamoasi Fransiya U-21 ga mag‘lub bo‘lgani ma’lum qilingandi.
O‘rtoqlik o‘yini
O‘zbekiston U-23 – Qirg‘iziston U-23 3:1
Gollar: Mavlonqulov 17, 55 (dubl), O‘rmonjonov 86 – Abduzahaparov 66.
