Romelu Lukaku terma jamoadagi gollari soni bo‘yicha dunyoda 5-o‘ringa ko‘tarilib oldi.

“Napoli” va Belgiya terma jamoasi forvardi JCH-2026 saralashi doirasidagi UYElsga qarshi o‘yinda gol urdi.

Hozirda Lukaku milliy terma jamoa safida 123 ta o‘yinda maydonga tushgan holda 89 ta golga ega. Belgiyalik futbolchi terma jamoaning eng yaxshi to‘purarlari qatorida malayziyalik Moxtar Dahari bilan tenglashib, dunyoda 5-o‘riniga ko‘tarildi.

Terma jamoa futbolidagi eng yaxshi to‘purar Portugaliya terma jamoasi safida 138 ta gol urgan Krishtianu Ronaldu hisoblanadi.

Shuningdek, Sunil Chxetri (Hindiston, 95 gol), Ali Dai (Eron, 108) va Lionel Messi (Argentina, 112) ham Lukakudan ko‘proq gol urgan.