Himoyachi Jonni Evans kelajagi haqida hali bir qarorga kelganicha yo‘q, chunki u "Manchester Yunayted"ni tekinga tark etadi.
"MYU" allaqachon Evansning iyun oyi oxirida tugaydigan shartnomasi uzaytirilmasligini tasdiqladi va bu Jonnining "Old Trafford"dagi ikkinchi hikoyasiga yakun yasaladi.
"Manchester Yunayted" akademiyasi tarbiyalanuvchisi bo‘lgan Evans o‘zining bolalikdagi jamoasi bilan uchta Premyer-liga va Chempionlar ligasida g‘alaba qozongan, "qizil iblislar" safida 241 o‘yin o‘tkazgan.
Garchi Evans 37 yoshda bo‘lsa-da, Shimoliy Irlandiyalik faxriy futbolchi shoshilish niyatida emas.
"Keyingi qadam haqida hozircha ishonchim komil emas. Biroz dam olib, qaror qabul qilaman. Hech narsaga shoshilishim shart emasdek his qilaman" - dedi Evans BBCga.













