Ҳимоячи Жонни Эванс келажаги ҳақида ҳали бир қарорга келганича йўқ, чунки у "Манчестер Юнайтед"ни текинга тарк этади.
"МЮ" аллақачон Эванснинг июнь ойи охирида тугайдиган шартномаси узайтирилмаслигини тасдиқлади ва бу Жоннининг "Олд Траффорд"даги иккинчи ҳикоясига якун ясалади.
"Манчестер Юнайтед" академияси тарбияланувчиси бўлган Эванс ўзининг болаликдаги жамоаси билан учта Премьер-лига ва Чемпионлар лигасида ғалаба қозонган, "қизил иблислар" сафида 241 ўйин ўтказган.
Гарчи Эванс 37 ёшда бўлса-да, Шимолий Ирландиялик фахрий футболчи шошилиш ниятида эмас.
"Кейинги қадам ҳақида ҳозирча ишончим комил эмас. Бироз дам олиб, қарор қабул қиламан. Ҳеч нарсага шошилишим шарт эмасдек ҳис қиламан" - деди Эванс BBCга.
