Polsha futbol assosiasiyasi prezidenti Sezari Kulesha hujumchi Robert Levandovski bilan bog‘liq vaziyatga izoh berdi.
Levandovski o‘zidan sardorlik bog‘ichi olib qo‘yilgach, terma jamoada o‘ynashdan bosh tortdi.
"Ayni damda men har ikki tomonning fikrini eshitishim kerak. Keyin to‘liq xulosaga ega bo‘laman. Men murabbiy Probejni allaqachon tinglaganman, endi Robert bilan uchrashishga harakat qilaman. Shundan keyingina biron bir qaror qabul qilishim mumkin", - deya Kuleshaning so‘zlarini keltiradi SportoweFakty.













