"Tottenxem"ning yangi bosh murabbiyi Tomas Frank "Bavariya"ga tegishli hujumchi Matis Tel bo‘yicha qaror qabul qildi.
Qishda "shporlar" fransuzni sotib olish imkoniyati bilan ijaraga olishdi. TEAMtalk xabariga ko‘ra, Frank "Tottenxem" rahbariyatiga 20 yoshli futbolchini o‘z jamoasida olib qolmoqchi ekanligini aniq aytgan. Katta ehtimol bilan londonliklar futbolchini avval yozilgan narxda emas, balki pasaytirilgan narxda sotib olishga harakat qilishadi.
Matis Tel "Tottenxem" safida barcha musobaqalarda 20 ta o‘yinda maydonga tushib, 3 ta gol va 1 ta golli uzatmaga mualliflik qilgan.
"Shporlar" boshqaruviga Tomas Frank tayinlangani tez orada e’lon qilinadi.
