Angliya terma jamoasi bosh murabbiyi Tomas Tuxel hozirgi jamoasi tarkibida qaysi xorijlik futbolchini ko‘rishni istashi haqidagi savolga javob berdi.
"Bu murakkab masala... Rodri. Ammo jarohatlangan holatida emas," - dedi Tuxel talkSPORT uchun bergan intervyusida.
Eslatib o‘tamiz, Rodri uzoq jarohatidan so‘ng may oyida "Manchester Siti" safiga qaytgan edi. Uzoq vaqt davomida ispaniyalik yarim himoyachi tizzasidan olgan og‘ir jarohatidan forig‘ bo‘ldi. O‘tgan yili Rodri "Oltin to‘p"ni qo‘lga kiritishga muvaffaq bo‘ldi.
