Rasman “Manchester Yunayted” futbolchisiga aylangan Matteus Kunya “Old Trafford”ga ko‘chib o‘tganidan so‘ng o‘zining ilk hissiyotlari bilan o‘rtoqlashdi.
"Hissiyotlarimni so‘z bilan ifodalash qiyin. Bolaligimda Braziliyadagi buvimning uyida televizor orqali Premyer-liga o‘yinlarini tomosha qilganman va o‘shandan beri “Yunayted” men uchun alohida klub bo‘lib kelgan.
Men bir kun qizil futbolkani kiyib, “Old Trafford” muxlislari qarshisida o‘ynashni orzu qilardim.
Bu yo‘lda menga yordam bergan oilamga va barchaga o‘z minnatdorchiligimni bildiraman. Mavsumoldi mashg‘ulotlar boshlanishini intiqlik bilan kutyapman - jamoaga qo‘shilib, tezroq ishga kirishmoqchiman.
Maqsadim – klub muvaffaqiyatiga hissa qo‘shish va uni yana cho‘qqiga olib chiqishga yordam berish”, — dedi hujumchi klub matbuot xizmatiga bergan intervyusida.
