O‘zbekiston superligasining 12-turi doirasida bugun — 13-iyun kuni "Qo‘qon-1912" va "Mash’al" jamoalari o‘zaro to‘qnash kelishadi.
Uchrashuv rasmiylari
Qo‘qonda bo‘lib o‘tadigan “Qo‘qon-1912” — “Mash’al” uchrashuvini G‘ayrat Jo‘rayev boshqarib boradi. Unga qanotlarda Islom Nosirov va Rasul Fozilovlar yordam berishadi. Zahira hakami — Isroil Imomnazarov. Hakamlar ishini Jahongir Saidov nazorat qiladi. Uchrashuv komissari — Diyor Hotamqulov.
O‘zaro o‘yinlar tarixi
Jamoalar shu paytga qadar chempionat doirasida 22 marta to‘qnash kelishgan. Bu o‘yinlarda "Qo‘qon-1912" 9ta, "Mash’al" esa 7ta o‘yinda g‘alaba qozongan. 6 ta uchrashuvda durang natija qayd etilgan. To‘plar nisbati "Mash’al" foydasiga — 28-26.
O‘zaro o‘yinlarda jamg‘arilgan ochkolar bo‘yicha "Qo‘qon-1912" 33, "Mash’al" esa 27 ochko to‘plagan. "Mash’al"ning o‘zaro o‘yinlarda qozongan eng yirik g‘alabasi 4:2, "Qo‘qon-1912"ning eng katta g‘alabasi esa 3:1 hisobida yakunlangan.
“Qo‘qon-1912” — “Mash’al” o‘yini 13-iyun kuni 20:00da start oladi.
