"Galatasaroy" Leroy Saneni o‘zining yangi a’zosi sifatida rasman tanishtirdi. 29 yoshli futbolchining taqdimoti payshanba kuni bo‘lib o‘tdi. Vinger iyul oyi o‘rtalariga qadar "Bavariya" safida o‘ynashda davom etadi va shundan so‘ng turk klubi safini to‘ldiradi.
"Bu yerda bo‘lish men uchun katta sharaf, bunday imkoniyat uchun "Galatasaroy"ga minnatdorchilik bildiraman. Turkiyaning eng yirik klubiga o‘tdim va jamoadagi o‘yinlarim boshlanishini, muxlislar bilan uchrashishni intiqlik bilan kutyapman", - dedi Sane.













