"Yuventus" bosh murabbiyi Igor Tudor klubdagi faoliyatini davom ettiradi. "Keksa sinyora" boshqa ko‘plab murabbiylarga qiziqish bildirgan, ammo yakunda turinliklar rahbariyati xorvatiyaliklar bilan hamkorlikni davom ettirishga qaror qilgan. Nufuzli insayder Fabrisio Romano ma’lumotlariga ko‘ra, payshanba kuni mutaxassis 2027 yil yozigacha mo‘ljallangan yangi shartnomaga imzo chekkan. Bitimda shartnomani avtomatik ravishda bir yilga uzaytirish imkoniyati ham ko‘rsatilgan.
Igor Tudor mart oyida "Yuventus"ni qabul qilib olgandi - u iste’foga chiqarilgan Tyago Motta o‘rnini egallagandi. "Byankonerilar" A Seriyaning o‘tgan mavsumida to‘rtinchi o‘rinni egalladi.
