"Yuventus" yarim himoyachisi Duglas Luis A Seriyaga ko‘chib o‘tganidan bir yil o‘tib, klubini o‘zgartirishi mumkin.
Give Me Sport xabariga ko‘ra, braziliyalik futbolchi maydon markazida kuchaytirish istagida bo‘lgan "Manchester Yunayted"ning qiziqishlar ro‘yxatiga kiritilgan. "Yuventus" 27 yoshli futbolchi bilan xayrlashishga qarshi emas va 35 million yevro atrofidagi takliflarga ochiq. Shu bilan birga, Luisga boshqa klublar, xususan, "Nottingem Forest" va futbolchining sobiq klubi "Aston Villa" da’vogarlik qilmoqda.
2024 yilda Turinga ko‘chib o‘tganidan beri Luis 26 ta o‘yinda maydonga tushdi, ammo gol va assistentlik qilmadi. Uning "Yuve" bilan shartnomasi 2029 yilning yozigacha mo‘ljallangan.













