Londonning "Arsenal" klubi "RB Leypsig" bilan hujumchi Benyamin Sheshkoning transfer shartlari bo‘yicha kelisha olmadi.
Aynan "kanonirlar" sloveniyalik uchun asosiy da’vogar sifatida tilga olindi, biroq klublar o‘rtasidagi muzokaralar boshi berk ko‘chaga kirib qoldi, deb xabar beradi CaughtOffside. "RB Leypsig" 65 mln funt sterling (76 mln yevrodan ortiq) tovon pulini to‘liq to‘lashni talab qilmoqda, bu esa londonliklarni qoniqtirmaydi. "Arsenal" 15 iyungacha "qizil buqalar" rahbariyati bilan murosaga kela olmasa, boshqa nomzodlarga o‘tadi.
Benyamin Sheshko o‘tgan mavsumda 45 ta o‘yinda 21 ta gol urdi va 6 ta golli uzatmani amalga oshirdi. Transfermarkt portali 22 yoshli futbolchining narxini 70 mln yevroga baholamoqda.
