"Manchester Siti" vingeri Jek Grilish faoliyatini Londonning "Tottenxem" klubida davom ettirishi mumkin. Bu haqda insayder Fabrisio Romano xabar bermoqda.
Manbaga ko‘ra, "shporlar" futbolchi klublar o‘rtasidagi jahon chempionati qaydnomasiga kiritilmaganidan keyin "shaharliklar"ga Grilish bo‘yicha rasmiy taklif yuborgan. Ta’kidlanishicha, Grilishning xizmatlariga "Everton" qiziqish bildirmoqda, ammo hujumchining o‘zi "Tottenxem"ga o‘tishni istamoqda. Bitim summasi 46,8 mln yevroni tashkil etishi mumkin.
Joriy mavsumda 29 yoshli ingliz barcha musobaqalarda 32ta o‘yinda maydonga tushib, 3ta gol urdi va 5ta assistni o‘z hisobiga yozdirib qo‘ydi.
