"Манчестер Сити" вингери Жек Грилиш фаолиятини Лондоннинг "Тоттенхэм" клубида давом эттириши мумкин. Бу ҳақда инсайдер Фабрицио Романо хабар бермоқда.
Манбага кўра, "шпорлар" футболчи клублар ўртасидаги жаҳон чемпионати қайдномасига киритилмаганидан кейин "шаҳарликлар"га Грилиш бўйича расмий таклиф юборган. Таъкидланишича, Грилишнинг хизматларига "Эвертон" қизиқиш билдирмоқда, аммо ҳужумчининг ўзи "Тоттенхэм"га ўтишни истамоқда. Битим суммаси 46,8 млн еврони ташкил этиши мумкин.
Жорий мавсумда 29 ёшли инглиз барча мусобақаларда 32та ўйинда майдонга тушиб, 3та гол урди ва 5та ассистни ўз ҳисобига ёздириб қўйди.
