"Brentford" hujumchisi Brayan Mbeumo "Manchester Yunayted"ga o‘tishga yaqin turibdi.

Jurnalist Kristofer Mishelning ta’kidlashicha, "qizil iblislar" safida barcha mavsumoldi tayyorgarlik boshlangunga qadar Mbeumo bo‘yicha kelishuvni yakunlashga optimistik kayfiyatda. Manbaga ko‘ra, bu faqat vaqt masalasi, ammo "Manchester Yunayted" ichida baribir "Tottenxem"ning yangi bosh murabbiyi Tomas Frank Mbeumoni Londonga jalb qilishi mumkinligidan xavotirlar bor.

25 yoshli kamerunlik futbolchi 2024/25 yilgi mavsum doirasida 42 ta o‘yinda maydonga tushdi. Bu davrda u 20 ta gol urdi va to‘qqizta golli uzatmani amalga oshirdi.