Lissabonning "Sporting" klubi forvardi Viktor Dyokeresh yozgi transferlar davrida sotib yuboriladi.
Shved rahbariyat va’dani buzgani va narxni oshirib yuborganini aytib, o‘z klubi bilan ziddiyatga bordi. Jurnalist Florian Plettenbergning ma’lumotlariga ko‘ra, muammo hal qilingan: agar xaridorlar 60 milliondan 70 million yevrogacha taklif qilishsa, Dyokereshga ketishga ruxsat beriladi. Aynan shunday shartlar haqida futbolchi o‘tgan yili "sherlar" bosslari bilan og‘zaki kelishib olgandi.
27 yoshli futbolchini "Manchester Yunayted," Londonning "Arsenal" va boshqa grand klublari o‘z safiga qo‘shib olmoqchi. Hujumchi o‘tgan mavsumda "Sporting"ning 52 ta uchrashuvida 54 ta gol muallifiga aylangan.
