Лиссабоннинг "Спортинг" клуби форварди Виктор Дьёкереш ёзги трансферлар даврида сотиб юборилади.
Швед раҳбарият ваъдани бузгани ва нархни ошириб юборганини айтиб, ўз клуби билан зиддиятга борди. Журналист Флориан Плеттенбергнинг маълумотларига кўра, муаммо ҳал қилинган: агар харидорлар 60 миллиондан 70 миллион еврогача таклиф қилишса, Дьёкерешга кетишга рухсат берилади. Айнан шундай шартлар ҳақида футболчи ўтган йили "шерлар" босслари билан оғзаки келишиб олганди.
27 ёшли футболчини "Манчестер Юнайтед," Лондоннинг "Арсенал" ва бошқа гранд клублари ўз сафига қўшиб олмоқчи. Ҳужумчи ўтган мавсумда "Спортинг"нинг 52 та учрашувида 54 та гол муаллифига айланган.
