"Manchester Siti"ning o‘ng qanot himoyachisi Kayl Uoker faoliyatini "Fenerbaxche"da davom ettirishga tayyor.

Turkiya klubi 35 yoshli futbolchi bo‘yicha "shaharliklar"ga taklif bilan chiqqani haqida juma kuni xabar berilgandi. Jurnalist Ekrem Konurning ma’lum qilishicha, Uokerning o‘zi "Fenerbaxche"ga o‘tish uchun ochiq. Istanbulliklar rahbariyati yulduz ingliz faxriysini o‘z safiga qo‘shib olishiga ishonmoqda.

Kayl Uoker o‘tgan mavsumning ikkinchi qismini "Milan"da o‘tkazgandi. "Rossonerilar" bilan ijara shartnomasida sotib olish imkoniyati bor edi, ammo italyan klubi futbolchining to‘liq transferidan voz kechishga qaror qildi.

"Fenerbaxche" Turkiya chempionatining o‘tgan turida 2-o‘rinni egalladi.