"Манчестер Сити"нинг ўнг қанот ҳимоячиси Кайл Уокер фаолиятини "Фенербахче"да давом эттиришга тайёр.
Туркия клуби 35 ёшли футболчи бўйича "шаҳарликлар"га таклиф билан чиққани ҳақида жума куни хабар берилганди. Журналист Экрем Конурнинг маълум қилишича, Уокернинг ўзи "Фенербахче"га ўтиш учун очиқ. Истанбулликлар раҳбарияти юлдуз инглиз фахрийсини ўз сафига қўшиб олишига ишонмоқда.
Кайл Уокер ўтган мавсумнинг иккинчи қисмини "Милан"да ўтказганди. "Россонерилар" билан ижара шартномасида сотиб олиш имконияти бор эди, аммо итальян клуби футболчининг тўлиқ трансферидан воз кечишга қарор қилди.
"Фенербахче" Туркия чемпионатининг ўтган турида 2-ўринни эгаллади.
