"Fenerbaxche" yarim himoyachisi Sofyan Amrabat Italiya A Seriyasiga qaytishi mumkin.
Marokashlik futbolchi 2024/25 yilgi mavsumda turk klubida "Fiorentina"dan ijara asosida o‘ynagan - istanbulliklar xavbekni sotib olishni allaqachon rasmiylashtirgan. Jurnalist Ekrem Konurning yozishicha, futbolchiga Italiyada talab bor: "Atalanta" uni o‘z qiziqishlari ro‘yxatiga kiritgan va yozda transferga urinib ko‘rishi mumkin. Sofyan Amrabat "Fiorentina" va "Verona" safida A Seriyada 100 dan ortiq o‘yin o‘tkazgan.
"Fenerbaxche" safida 28 yoshli futbolchi 39 ta o‘yin o‘tkazib, 2 ta gol va 4 ta golli uzatmaga mualliflik qilgan. Yarim himoyachining nufuzli Transfermarkt portalidagi taxminiy narxi - 20 mln yevro.
