Leverkuzenning "Bayer" klubi yarim himoyachisi Florian Virs "Liverpul" futbolchisiga aylanadi, deb yozadi ijtimoiy tarmoqlarda insayder Fabrisio Romano.

Manbaga ko‘ra, "Liverpul" va nemis klubi 22 yoshli vinger transferi bo‘yicha barcha hujjatlarni imzolagan. Kelasi hafta boshida Virs tibbiy ko‘rikdan o‘tadi va mersisaydliklar bilan shartnoma imzolaydi.

Florian o‘tgan mavsumda "Bayer"ning 45 ta o‘yinida ishtirok etgan. Yarim himoyachi o‘z hisobiga 16 ta gol va 15 ta golli uzatmani yozdirib qo‘ydi. Transfermarkt portali ekspertlari yarim himoyachining bozor narxini 140 million yevroga baholamoqda.