"Barselona" bosh murabbiyi Xans-Diter Flik "Atletik" futbolchisi Niko Uilyams bilan suhbatlashdi.

Ma’lumotlarga qaraganda, futbolchi yozda Kataloniya klubiga o‘tishni istamoqda - uning agenti allaqachon "ko‘k-anorranglilar" vakillari bilan aloqaga chiqqan. Jurnalist Jerar Romeroning ta’kidlashicha, murabbiy Flikning shaxsan o‘zi Uilyamsga qo‘ng‘iroq qilib, "Barselona" loyihasi haqida batafsil ma’lumot bergan. Bitim Ispaniyaning amaldagi chempionlariga 60 mln yevroga tushadi.

Niko Uilyamsning hisobida o‘tgan mavsum "Atletik" safida 45 ta o‘yinda 11 ta gol va yettita assist bor. Iyul oyida ispaniyalik vinger 23 yoshga to‘ladi.