"Барселона" бош мураббийи Ханс-Дитер Флик "Атлетик" футболчиси Нико Уильямс билан суҳбатлашди.
Маълумотларга қараганда, футболчи ёзда Каталония клубига ўтишни истамоқда - унинг агенти аллақачон "кўк-анорранглилар" вакиллари билан алоқага чиққан. Журналист Жерар Ромеронинг таъкидлашича, мураббий Фликнинг шахсан ўзи Уильямсга қўнғироқ қилиб, "Барселона" лойиҳаси ҳақида батафсил маълумот берган. Битим Испаниянинг амалдаги чемпионларига 60 млн еврога тушади.
Нико Уильямснинг ҳисобида ўтган мавсум "Атлетик" сафида 45 та ўйинда 11 та гол ва еттита ассист бор. Июль ойида испаниялик вингер 23 ёшга тўлади.
