"Inter Mayami" hujumchisi Lionel Messi tez orada boshlanadigan klublar o‘rtasidagi jahon chempionati haqida gapirdi.
Floridaliklar shanbadan yakshanbaga o‘tar kechasi guruh bosqichining 1-turida Misrning "Al-Ahli" jamoasiga qarshi bahs olib boradi, keyinroq "Portu" va "Palmeyras" bilan kuch sinashadi.
"Qiziqarli turnir. Unda ishtirok eta olishimdan xursandman. Mening kutganlarim boshqa jamoalarda o‘ynagan paytlarimdagidan farq qiladi, ammo men eng kuchli raqiblar bilan bellashish va muvaffaqiyatga erishishga harakat qilish imkoniyatini intiqlik bilan kutmoqdaman," - deya argentinalikning so‘zlarini keltiradi jurnalist Favian Renkel.
