"Tottenxem"ning yangi bosh murabbiyi, ungacha "Brentford"ni boshqargan Tomas Frank sobiq jamoasining ikki futbolchisini o‘z safiga qo‘shib olmoqchi. Bu haqda Guardian xabar bermoqda.
Manbaning ta’kidlashicha, Frank "Brentford"dan nafaqat avvalroq xabar qilingan vinger Brayan Mbeumoni, balki hujumchi Yoan Vissani ham olib ketmoqchi.
Bu mavsumda Mbemo barcha musobaqalarda 42 ta o‘yinda maydonga tushib, 20 ta gol urdi va 9 ta golli uzatmani amalga oshirdi.
Vissa hisobida 39 ta o‘yin, 20 ta gol va beshta assist mavjud.
Transfermarkt portali ma’lumotlariga ko‘ra, futbolchilarning umumiy qiymati 87 million yevroni (55 mln+32 mln) tashkil etadi.
