"Тоттенхэм"нинг янги бош мураббийи, унгача "Брентфорд"ни бошқарган Томас Франк собиқ жамоасининг икки футболчисини ўз сафига қўшиб олмоқчи. Бу ҳақда Guardian хабар бермоқда.

Манбанинг таъкидлашича, Франк "Брентфорд"дан нафақат аввалроқ хабар қилинган вингер Брайан Мбеумони, балки ҳужумчи Йоан Виссани ҳам олиб кетмоқчи.

Бу мавсумда Мбемо барча мусобақаларда 42 та ўйинда майдонга тушиб, 20 та гол урди ва 9 та голли узатмани амалга оширди.

Висса ҳисобида 39 та ўйин, 20 та гол ва бешта ассист мавжуд.

Transfermarkt портали маълумотларига кўра, футболчиларнинг умумий қиймати 87 миллион еврони (55 млн+32 млн) ташкил этади.