Turinning "Yuventus" klubi ustozi Igor Tudor jamoaning besh nafar daxlsiz futbolchisini sanab o‘tdi.
Tuttosport xabariga ko‘ra, ushbu ro‘yxatdan himoyachilar Andrea Kambyaso va Federiko Gatti, yarim himoyachilar Kefren Tyuram va Manuel Lokatelli, shuningdek, hujumchi Kenan Yildiz joy olgan.
Eslatib o‘tamiz, 13 iyun kuni Tudor Turin klubi bilan bir yilga uzaytirish imkoniyati bilan yangi ikki yillik shartnoma imzolagan edi.
O‘tgan mavsum yakunlariga ko‘ra, "Yuventus" Italiya chempionati turnir jadvalida to‘rtinchi o‘rinni egalladi. Jamoa Chempionlar ligasiga yo‘llanma oldi.
