"Liverpul" vingeri Federiko Kyeza Italiya chempionatiga qaytishi mumkin. Ijtimoiy tarmoqlarda insayder Fabrisio Romanoning yozishicha, "Napoli" "Yuventus"ning sobiq futbolchisi bilan shartnoma imzolamoqchi.
Neapolliklar futbolchining agenti bilan ehtimoliy transfer borasida dastlabki muzokaralarga kirishdi. Federikoning o‘zi Italiyaga qaytishga tayyor, chunki u "Liverpul"ning asosiy o‘yinchisi emas.
27 yoshli yarim himoyachi 2024 yilning yozida "mersisaydliklar" safiga o‘tgandi. Shartnoma 12 million yevroni tashkil qilgandi. O‘tgan mavsumda Kyeza 14 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
