Superliga 12-turidan o‘rin olgan “Qizilqum” – “So‘g‘diyona” (0:0) jamoalari o‘rtasidagi uchrashuvdan keyingi matbuot anjumanida jamoamiz murabbiyi Akmal Rustamov jurnalistlarning savollariga javob qaytardi.

"Bugungi o‘yin haqida gapiradigan bo‘lsam, taktik tomondan biroz o‘zgartirish qilishga harakat qildik. Bolalarga rahmat aytmoqchiman. Ular bugun astoydil  harakat qilishdi. Tarkibmizda besh-olti nafar yo‘qotish bor edi. Shunga qaramay, yigitlar yaxshi harakat qilishdi. Agar yaratilgan vaziyatlardan foydalana olganimizda edi, g‘alaba biz tomonda bo‘lishi aniq edi. Bugun stadionga kelib bizni qo‘llab-quvvatlab turgan muxlislarga rahmat aytaman. Nasib etsa, keyingi o‘yinlarda g‘alaba qozonishga harakat qilamiz.

Biz o‘yinning ko‘p vaqtini himoyada o‘tkazgan bo‘lsakda, bizda gol kiritish uchun imkoniyatlar ko‘proq bo‘ldi. Hujumchilarimizga biroz tajriba yetishmadi, deb o‘ylayman. Yana bir bor futbolchilarimga minnatdorchilik bildiraman. Ular o‘yinga qo‘yilgan vazifani yuz foizga uddalashdi", — dedi Akmal Rustamov.