"Aston Villa" "Sevilya" himoyachisi Loik Badeni o‘z safiga qo‘shib olmoqchi, deb xabar beradi ABC.es.

Manbaga ko‘ra, ingliz klubi Tayron Mingsning jarohatlari tufayli yuzaga kelgan muammolar fonida mudofaa chizig‘ini mustahkamlamoqchi. Bundan tashqari, "Aston Villa" bir necha futbolchisini sotganidan keyin transfer uchun kerakli summaga ega bo‘lishi kerak.

Shuningdek, Badega "Bayer" ham qiziqmoqda.

Himoyachi 2024/25 yilgi mavsumda 33 ta o‘yinda maydonga tushib, 1 ta gol va 1 ta golli uzatmaga mualliflik qilgan. Uning "Sevilya" bilan shartnomasi 2029 yilning 30 iyuniga qadar amal qiladi. Transfermarkt portali futbolchining transfer qiymatini 25 million yevroga baholagan.