"Atletiko" Madrid "Liverpul" qanot himoyachisi Endryu Robertsonni o‘z safiga qo‘shib olmoqchi.
Avvalroq, futbolchi "matraschilar" bilan mehnat shartnomasi shartlarini kelishib olgani xabar qilingandi.
Caught Offside xabariga ko‘ra, "Liverpul" o‘z himoyachisini 29-35 million yevroga baholamoqda, ammo "Atletiko" yoshi katta futbolchi uchun buncha katta mablag‘ to‘lashga tayyor emas. Shu bilan birga, Robertsonning o‘zi mersisaydliklar bilan shartnomani uzaytirishga umid qilmoqda, deyiladi manbada.
2024/25 yilgi mavsumda Robertson barcha turnirlarni hisobga olgan holda 45 ta o‘yinda maydonga tushdi va ikkita golli uzatmani amalga oshirdi.
