"Атлетико" Мадрид "Ливерпуль" қанот ҳимоячиси Эндрю Робертсонни ўз сафига қўшиб олмоқчи.
Аввалроқ, футболчи "матрасчилар" билан меҳнат шартномаси шартларини келишиб олгани хабар қилинганди.
Caught Offside хабарига кўра, "Ливерпуль" ўз ҳимоячисини 29-35 миллион еврога баҳоламоқда, аммо "Атлетико" ёши катта футболчи учун бунча катта маблағ тўлашга тайёр эмас. Шу билан бирга, Робертсоннинг ўзи мерсисайдликлар билан шартномани узайтиришга умид қилмоқда, дейилади манбада.
2024/25 йилги мавсумда Робертсон барча турнирларни ҳисобга олган ҳолда 45 та ўйинда майдонга тушди ва иккита голли узатмани амалга оширди.
