"Bavariya" yarim himoyachisi Yozua Kimmix Leroy Sanening Myunxen klubini tark etib, Turkiyaning "Galatasaroy" jamoasiga o‘tish haqidagi qaroridan bexabar qolganini ochiq tan oldi.
12 iyun kuni transfer rasman e’lon qilindi - Sane yangi klubi bilan 2027 yilgacha shartnoma imzoladi.
"Oxirgi haftalardagi vaziyatni diqqat bilan kuzatganingizda, Leroy va klub o‘rtasida nimadir noto‘g‘ri bo‘lganini taxmin qilgan bo‘lardingiz. Lekin rostini aytsam, uning Turkiyaga ketishini kutmagandim. Bu meni hayratda qoldirdi. Umid qilamanki, u ortiga qarab: bu to‘g‘ri qaror bo‘ldi, deydi" - dedi Kimmix Sport Bild bilan suhbatda.
Transferga qaramay, 29 yoshli vinger 2025 yilgi klublar o‘rtasidagi jahon chempionati startida "Bavariya"ga yordam beradi. Uning myunxenliklar bilan shartnomasi 2025 yilning 30 iyuniga qadar amal qiladi va u turnirda jamoa safida o‘ynash huquqiga ega. O‘tgan mavsumda Bundesligada Sane 30 ta o‘yin o‘tkazib, 11 ta gol urdi va jamoadoshlariga 5 ta golli uzatma berdi. Chempionlar ligasida - 13 o‘yin va bitta gol.
