"Бавария" ярим ҳимоячиси Йозуа Киммих Лерой Саненинг Мюнхен клубини тарк этиб, Туркиянинг "Галатасарой" жамоасига ўтиш ҳақидаги қароридан бехабар қолганини очиқ тан олди.
12 июнь куни трансфер расман эълон қилинди - Сане янги клуби билан 2027 йилгача шартнома имзолади.
"Охирги ҳафталардаги вазиятни диққат билан кузатганингизда, Лерой ва клуб ўртасида нимадир нотўғри бўлганини тахмин қилган бўлардингиз. Лекин ростини айтсам, унинг Туркияга кетишини кутмагандим. Бу мени ҳайратда қолдирди. Умид қиламанки, у ортига қараб: бу тўғри қарор бўлди, дейди" - деди Киммих Sport Bild билан суҳбатда.
Трансферга қарамай, 29 ёшли вингер 2025 йилги клублар ўртасидаги жаҳон чемпионати стартида "Бавария"га ёрдам беради. Унинг мюнхенликлар билан шартномаси 2025 йилнинг 30 июнига қадар амал қилади ва у турнирда жамоа сафида ўйнаш ҳуқуқига эга. Ўтган мавсумда Бундеслигада Сане 30 та ўйин ўтказиб, 11 та гол урди ва жамоадошларига 5 та голли узатма берди. Чемпионлар лигасида - 13 ўйин ва битта гол.
