Madridning "Atletiko" klubi hujumchisi Xulian Alvares klublar o‘rtasidagi jahon chempionatini muvaffaqiyatsiz boshlagani haqida gapirdi. "Matraschilar" guruh bosqichining 1-turida "PSJ"ga yirik hisobda yutqazdi - 0:4. Parijliklar har bir bo‘limda ikkitadan gol urishdi.
"Og‘ir mag‘lubiyat, ammo bu hali oxiri emas. Olg‘a, "Atletiko," - deb yozdi Alvares ijtimoiy tarmoqda. Jamoadoshiga yarim himoyachi Rodrigo de Paul izohlarda shunday javob qaytardi: "Ha, biz buni bilamiz. Olg‘a, Aranita."
19 iyundan 20 iyunga o‘tar kechasi "Atletiko" "Sietl Saunders"ga qarshi o‘ynaydi, 23 iyun kuni esa guruh bosqichidagi ishtirokini "Botafogo"ga qarshi o‘yin bilan yakunlaydi.













