Мадриднинг "Атлетико" клуби ҳужумчиси Хулиан Альварес клублар ўртасидаги жаҳон чемпионатини муваффақиятсиз бошлагани ҳақида гапирди. "Матрасчилар" гуруҳ босқичининг 1-турида "ПСЖ"га йирик ҳисобда ютқазди - 0:4. Парижликлар ҳар бир бўлимда иккитадан гол уришди.
"Оғир мағлубият, аммо бу ҳали охири эмас. Олға, "Атлетико," - деб ёзди Альварес ижтимоий тармоқда. Жамоадошига ярим ҳимоячи Родриго де Пауль изоҳларда шундай жавоб қайтарди: "Ҳа, биз буни биламиз. Олға, Аранита."
19 июндан 20 июнга ўтар кечаси "Атлетико" "Сиэтль Саундерс"га қарши ўйнайди, 23 июнь куни эса гуруҳ босқичидаги иштирокини "Ботафого"га қарши ўйин билан якунлайди.
