"Roma" markaziy hujumchisi Artyom Dovbikning manfaatlarini himoya qilayotgan futbol agenti Aleksey Lyudovskiy futbolchining ehtimoliy transferi haqidagi ma’lumotlarga izoh berdi.
"Aqldan ozish, Artyom - "Roma"ning o‘tgan mavsumdagi eng yaxshi to‘purari, 17 gol urgan. Gasperini yangi mavsumda unga katta umid bog‘lamoqda," - deya hujumchi vakilining so‘zlarini keltiradi "Ukrainskiy futbol."
Dovbik 2024 yilning yozidan beri Rim klubi sharafini himoya qilmoqda. 27 yoshli hujumchining "bo‘rilar" bilan shartnomasi 2029 yilning yarmigacha mo‘ljallangan. Transfermarkt portali bahosiga ko‘ra, ukrainalik futbolchining bozor narxi 30 million yevroga baholanmoqda.
